Te Rito Journalism Project
Maioha Panapa
E rere pōturi ana te Pirimia, a Christopher Luxon ki Ahitereiria mā runga waka rererangi tūmatawhānui, nā te rarunga o te waka o Te Tauaarangi o Aotearoa.
Public Interest Journalism funded through NZ On Air
E rere pōturi ana te Pirimia, a Christopher Luxon ki Ahitereiria mā runga waka rererangi tūmatawhānui, nā te rarunga o te waka o Te Tauaarangi o Aotearoa.
I te ono karaka i tēnei ata, kaare a Pirimia Luxon i āhei ki te rere mā runga i tētahi waka o Te Tauaarangi, nā tētahi raru i kitea i ngā tirohanga whakamātautau i te waka i mua i te rerenga.
He waka rererangi tūmatanui kua ekea kētia e te Pirimia i te taunga rererangi ā-ao o Tāmaki Makaurau hei rere atu ki Poipiripi, ki reira hui tonu ai ki ngā rangatira ā-ao o Asean i tā rātou hui.
Ko te tira haere a te Pirimia, rātou tahi ko ētahi māngai pāpāho kei te taunga rererangi o Te Whanganui a Tara tonu e tatari ana ki ngā whakamārama mō te waka tauaarangi i te kawe i a rātou.
Ehara tēnei i te wā tuatahi kua mau ai he tira haere nā tētahi rarunga pūkaha.
Kua kī ake a Luxon i ētahi uiuinga ō-mua ki a 1News, kua tupuheke kē ngā waka 757 o Te Tauaarangi, engari ko tāna anō, tē aro nui i te kāwanatanga ki te whakahōu i ngā waka i te wā o te mate utu tauoranga.
Ka tau atu te Pirimia ki Poipiripi i te rā nei, ki reira hui ai ki te whakapakari i ngā ara whanaungatanga tauhokohoko, ka hoki mai ki Aotearoa hei te ahiahi Wenerei.
Hero Image: Te waka rererangi o Te Tauaarangi o Aotearoa kua mau ki te taunga rererangi o Te Whanganui a Tara. Whakaahua / Maioha Panapa / Te Rito Journalism